جيني فااااس
جيني مكناس
بقلم
العابد عبد الرحيم
--------------------/
( الزجل هو روح الزجال فاليكم روحي)
(زجل)
جيني فاس اااالباهية
مولاي ادريس ترحم
جيني مكناس يا الهادي بن عيسى
جيني امدينة امدينة
الدار البيضاء الاولى
سيدي بليوط
شااااء الله به
جيني ااالبهجة فارحة
ياك ااالنخلة
علي شاهدة
جامع لفناا
نساهم لياا
مراكش الغالية سبعة رجال صالحين
ركبوا ركبة الكوتشي !
جيوني أبجوج سنتير أو هجهوج
انجدبو اجديب المركوب ااالهايم
ياك الصويرة قريبة مني واجدة.!
جيني طنجة ام لبحور
طنجة العالية بسواريها
و اللٌي مات....اندفنوه.!
فاعماق ارمٌالي واجدة
جيني لوز جيني كركاااع
جيني سكر جيني نعنااع
قصارة...الرجال الصالحة
اللٌي كان ااايكون ليه ربي
أاطراف الزين كلها امحبة
جيني اااسمن......جيني اااعسل
جيني ارغايف مخلخلة باصباع
و اللي اكلاه اايقول لله زيدوني
جيني كيسان جيني امحبة
جيني عراضة الكَعدة فالقبة
انذكرو الله راه ااالدنيا فانية
عاشقين الزنبيل ياا كاس االبلار
مزين ذيك الكَعدة وسط لحباب
هذا يضحك هذا يحكي حكايتو
*السهرة مع لحباب لا حد يسخى بها.!
الللٌي اااااشرب
يشرب
كيسان لمحبة
قال فتح الله لمغاري :
--------------------------/
(الى غاب كاس البلار يبقى
قلبي محتارخايف عليه)
قالوا الغيوان:
-----------------
(اه يا صينينة
فين اللٌي جمعوا عليك اهل النية.؟)
هانت هااااانت عفاك
جيني نسيم هبهوب
جيني يا أاحجر الواد
خيلي جاهزة للركوب
جيني بااهواك سارحة
العيطة عليك و يا لالة
راه ساعة لغروب جاية
جيني امحبة القلب عالقلب
راه الغذار يلعن جدو او بباه
نحلف ما اتدومش صداقتو
* وا فينك وا فينك......يابو سالف اطويل.؟
* وا فينك وا فينك يا مول الكلمة الصادقة
جيني الرباط شالة ااتشالي
جيني لوداية تحكي حكاية
اخوت وااصحاب من زمان
اخوت حااارسين كل لمكان
* الى ضيامت ليام الشكوى للرباط.!
عليك نشكي عليك نبكي يا بوركَراكََ !
اعطينا....الشابل
اتكون
ايقامتو ايقامة!
انا معاك انا معاك
واللٌي كان ايكون
انا ما ننسى احبيبي
و الله تانموت عليه.!
سلا ذيك سلا سلوان
حب الوطن تم ساكن
لمدافع راه واجدة
لمدافع قالوا شاهدة
*شمري ضربي بارودك يخلي لخيام !
---------------------------------------------/
خليك كَمرة بين النجوم
اللٌي يعشق يعشق الزين
يعشق االزين على ثلاثة
زين لفعال التباتة و الرزانة سيدي
زين لكلام لعقل و الحكمة وا بويا
زين البدر و الكَمرة لا بان اشعاها!
ياك الزين حروفو منقوشة بالتمام
خليوا بنت الاصل خليوهااا اتدوز.!
يا مرضيت الوالدين
شديناا فيك بشدة..!
*اناا باهواك انا بارضاك فيه طامع.! *العاطي الله راحنا فيه امزاوكٌين.!
جيني فااااااس
جيني مكنااس
مراكش االغالية
*جيني تطوان ياااا حمام ااالسلام !
*لاش الدخان لاش النيران شاعلة ؟
الراضة ياااا راضة
عنقيني بااادراعك
راني تمة اااانموت
ديريني خلخال
ديريني امقااال
احكي االهاذوك
احكي ااااحكي
*اللي ساروا ماجاووا
راهم كانوا حاركَين.!
قالوا ليناا. غارقين.!
قالوا لينا تااااالفين.!
*سولت موجة االبحر سولت الفيافي.!
سولت لعيون الساهرة
سولت رجال لبحر
*لا حد اعطاني اخبارهم.!
اخزن يا قلبي
واحزن
حتى لنهار النوبة
اخزن يا قلبي
واحزن
وقت الدمعة ابكي
( هذا مسلسل الحياة ما ايدوم حال بويا )
العابد عبد الرحيم : غشت 2021
ملهمتي الفقيه بن صالح تكتب وتكتب
ليست هناك تعليقات:
إرسال تعليق