( يا عيد قول للربيع )
يوميات رمضانيه
للشاعر / متولي بصل
ورد القلوب صابح عطشان
هيموت ويدبل م الحرمان
ونفسه بكره في ليلة العيد
يتهنَّى ويبات فيها فرحان
هِل يا عيد هَات فرح جديد
يداوينا من كل الأحزان
ومن الهنا اسقينا وزيد
ولِف بينا في كل مكان
افتح لنا للفرح بيبان
خلِّينا نفرح زي زمان
فين الربيع روح له وصحِّيه
من يوم ما جه نايم نعسان
قول له الوجود مين هيحلِّيه
ويلوِّنه بأحلى الألوان
والشمع علشان مين هيقيد
والفرح والغنا والزغاريد
مش كل مرَّه فرحتنا
يسرقها منَّا غراب البين
ليست هناك تعليقات:
إرسال تعليق