يوميات رمضانية
للشاعر / متولي بصل
( النصَّاب )
يا عم رمضان
شوف لي فانوس
شغَّال يقول صبري يا صبري
ولا بلاش أصل انا منحوس
ييجي الحرامي ياخده ويجري
ما هو كل ما امسك أي فلوس
تطير وتِخلص من بدري
حتى امَّا قالوا توظيف أموال
ودفعت تحويشة عمري
اللي قالوا لي عليه ابن حلال
بقى فص ملح وداب دوغري
بس اللي مزعَّلني يا خال
وبجد ده اللي كسر ضهري
الشيخ إمام ده لا كان ع البال
ولا عمره يُخطر على خاطري
نصب عليه البيه الدجَّال
وخد فلوسه حمري وجمري
ليست هناك تعليقات:
إرسال تعليق