الدنيا دي سيرك وانا البهلوان
لا عمرها بترحم ان شافت فرط السعادة أو مالهموم تعبان
أوعاك تفكر إنها هتديك ضهرها وانت مسكين غلبان
أو تقولك بصوت عالي حقك على راسي ده انت انسان
لا فارق معاها الناس سواء عالِم أو فنان
اعمل شوية حركات وهيّ هتاخدك لسكة التوهان
لا هيعجبها الحيلة والتنطيط والشقلبه في الميدان
دي ساحة معارك واللي بيعوم على عومها كسبان
خلي تُكالك على الله؛ أوعاك تعيش زعلان
وخلّي الصعاب كُوَر وشكّلها مهما كان
واركب همومك وهات لجام كما الفرسان
وعيش الحياة لحظة وسط النور وبلاش وش الجبان
ده المستخبّي يهون لما يؤون الأوان
تعيشها راضي تندهلها هتضحك والمستحيل قد حَان
ولو في يوم جالك إحباط؛ هتلاقي في الإمكان
خُوض المحاولة وألف جوله.. دي شيمة الشُجعان.
كتب/الأستاذ-أحمد بيضون
ليست هناك تعليقات:
إرسال تعليق